33.8 C
Manila
Friday, March 29, 2024

Dipolog: Mga kagamhanang lokal gidasig pagsaulog sa 124th Independence day

- Advertisement -

Gidasig karon sa nasudnong buhatan sa Department of the Interior and Local Government (DILG) ang tanang mga kagamhanang lokal dinhi sa nasud kalabot na sa pagsaulog sa ika 124th nga kasumaran sa atong adlaw sa kagawasan (Independence Day) karong umaabot Hunyo 12, ning tuiga.

Kining maong pagdasig ang gihimo pinaagi sa pagluwat sa memorandum circular no. 2022-066 pinetsahan og Mayo 23, 2022 alang sa tanang mga  gobernador, mayores sa mga dakbayan ug kaulungsoran, punong barangay,  ug sa ubang hingtungdan  alang sa pagsuporta sa maong kasaulogan.

Kalabot ning maong kasaulogan, kini ang dungang ipahigayon sa pipila ka mga historical landmarks dinhi sa nasud sa pagpanguna sa Rizal National Monument (Manila), Bonifacio National Monument (Calooacan), Plaza Independiencia (Cebu) Aguinaldo Shrine (Kawit, Cavite) ug uban pa.

Ilawom ning nasangpit nga memorandum circular, ang tanang mga kagamhanang lokal ang gidasig sa pagpakayab o pag-display sa atong nasudnong bandila dinha sa tanang mga buhatan, lakip na sa ubang mga establsimento dinha sa ilang matag lokalidad, samtang dugang usab nga gidasig ang pagpahigayon og usa ka kalihokan ilawom sa pagpanguna sa hingtungdang  kagamhanang lokal nga mohaom ug magpakita sa atong gugma sa nasud isip pagsaulog sa kasumaran sa pagkahimugso sa atong nasud.

Source: CITY INFORMATION OFFICE

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -