Sa may temang “International Solidarity: Creating a World for all Ages”, gibuksan na sa Federasyon sa Sangguniang Kabataan sa Dakbayan sa Dapitan ang tinuig nga kalihokan sa Linggo Ng Kabataan didto sa Dapitan City Children’s Park sa Barangay Sta. Cruz ning dakbayan kaniadtong Huwebes, Agosto 11, 2022.
Gidalohan sa mga nagkalain-laing cluster nga gilangkoban sa 50 ka barangay sa syudad.
Nasaksihan sa katawhan sa Dapitan ang paghatag ug higayon sa atong mga kabatan-onan hilabi na sa LGBTQA+ Community nga adunay pagpakabana sa katilingban. Nahimo nila nga magpa ambit sa ilang nagkadaiyang mga talento ug pagpalanog sa ilang tingog isip usa ka batan-ong Dapitanon.
“Naghimo ta og Linggo ng Kabataan kay aside sa it is mandated, goal sad namo nga magkatigom ang mga kabatan-unan ug magkaila-ila pinaagi sa sports ug ubang activities. They are free to express kung unsa sila and we can help them boost their confidence,” matod pa ni Gilbert A. Page, ang Bise Presidente sa SK sa syudad.
Kini nahimong mapalampuson sa pagpaningkamot sa Sangguniang Kabataan Federation Council niining dakbayan nga gisuportahan ni Gobernadora Rosalina “Nanay Nene” G. Jalosjos ug ni Mayor Seth Frederick P. Jalosjos nga gi-representahan sa Presidente sa Kabataang Gapakabana sa Dapitan (BE KIND) na si Sushmita Jalosjos sa paghatag sa maong mensahe. Gitambungan usab kini ni Konsehal Joseph Ryan A, Agolong ug ni Randy Cabasag, ang Officer-in-Charge sa opisina sa Local Youth Development.
Matod pa sa makapadasig nga mensahe Mayor Bullet para sa mga kabatan-onan, “We celebrate Linggo ng Kabataan to acknowledge and strengthen the power and wisdom of our youth.”
(Source: Dapitan City Information Division Facebook page)