Gipahigayon kagahapon ang adbokasiya sa pagbakuna ngadto sa mga magtutungha ug General PTA Assembly meeting sa Dapitan City Central School (DCDS) diha sa Covered Court sa maong eskwelahan.
Kini isip pagpangandam sa umalabot sa klase nga magsugod karong Lunes, Agosto 22 ning tuiga.
Nag-awhag si Mary Rose C. Galan, District Nurse sa tulunghaan nga pabakunahan na ang ilang mga anak aron mamahimong luwas gikan sa makatakod nga virus ug naghangyo ngadto sa mga ginikanan nga pahimangnoan ang ilang anak nga kanunay magsuot sa facemask, magdala og hand sanitizer, sundon ang physical distancing ug kon anaay gibati ang bata dili sa kini mosulod sa klase og hinuon dad-on sa pinakaduol nga Health Center aron mahatagan gilayon og tambal.
Nagpasalamat si Helen T. Calaguian, School Principal-3 sa DCCS ngadto sa mga ginikanan tungod sa suporta nga gihatag sa tulunghaan sa Special Education Center o SPED.
(Source: Dapitan City Information Division Facebook page)