Dipolog: 3 ka indibidwal sikop sa illegal cockfighting

0
164

Sikop ang tulo ka lalaki sa gihimo nga Anti-illegal Gambling Operation batok Cockfighting didto sa Barangay Cogon, Dipolog City adtong Marso 26, 2022 sa ala 1:45 sa takna sa kahapunon.

Visit RPN DXKD Dipolog

Giila ang mga lalaki nga sila Marlon Lelis Pascua, 45 anyos, minyo ug si Arnold Moñez Colo, 37 anyos,ulitawo nga parehong residente sa Purok Manga, Sangkol, Dipolog City. Ingon usab ni Edwin Eguia Pantorilla, 60 anyos, minyo ug lumulupyo sa Purok Pinya sa parehong barangay.

Ang maong operasyon gipahigayon sa operatiba sa Dipolog City Police Station nga gipanguluhan ni Police Lieutenant Berjohn Tianok.

Nakumpiska ug narekober gikan sa area ang bet money nga nikantidad ug P1,030.00 sa lain-laing denominasyon, ug usa ka pad nga 1/4 sheet nga papel nga gi-serve ingon nga tally sheet.

Dugang pa niana nakuha usab gikan sa mga nasikop ang usa 2  bihag nga may pula ,puti ug itom nga feather combination nga scarlet legs (red rooster) nga adunay bulang ug ang usa niini may pula ug orange feather combination, blue legged ug walay bulang.

Laing buhi nga fighting cock nga may gray ug black feather combination (talisayon) nga walay bulang ang nakuha usab sa gitahong operasyon.

Ang mga nasikop ug ang nakumpiska nga mga items gidala sa City Police Station para sa dokumentasyon sa dili pa ipasaka ang angay nga ikaso kanila ngadto kani korte. (Liccin V. Bello)

LEAVE A REPLY

Please enter your comment!
Please enter your name here