29.8 C
Manila
Thursday, March 28, 2024

Dipolog: 2 Dapitanon beach volleybelles, midaug; Mayor Bullet gihugtan ang pagsuporta

- Advertisement -

Duha ka ka mga Dapitanon nga magdudula sa isports nga beach volleyball ang giproklamar nga kampeon atol sa ika-tulong tuig nga anibersaryo sa Volleyball League 2022 nga gipahigayon sa Dakbayan sa Pagadian gikan Agosto 10 hangtod 11 ning tuiga.

Visit RPN DXKD Dipolog

Sila si Joellyn E. Arellano ug Jessiel Quiap, nga parehong lumulupyo sa Barangay Sicayab Bucana niining syudad, ang mga beach volleybelles sa team nga gitawag na Dapitan Phoenix.

Mibisita sila sa buhatan ni Mayor Seth Frederick P. Jalosjos kaniadtong Agosto 12, 2022 para ipakita ang ilaang championship trophy pagkahuman gipaluhod ang 11 pa ka laing mga koponan sa maong liga.

Personal nga nagpasalamat ang mga atleta ngadto kang Mayor Bullet sa gitunol nga suporta kanila sa dihang misalang ang ilang team sa maong kompetisyon. Hugtanong gisaad ni Mayor Bullet ang iyang padayong suportahan ang Dapitan Phoenix pinaagi sa paghatag og saktong suporta sa ilang preparasyon, jerseys, transportasyon ug uban pang kinahanglan sa mga umaabot pang kompetisyon sa volleyball nga ilang buot salmutan.   “Kini usa atoang lakang para maka-produce ta og homegrown talents sa sports. Apil pud ni sa atoang pagpaila sa Dapitan City sa (larangan sa) Sports,” dugang pang pulong ni Mayor Bullet sa pakighinabi sa mga atleta.

Karong umaabot Agosto 26-27, 2022, makigbisog na pud ang Dapitan Phoenix sa Dakbayan sa Ozamis.

(Source: Dapitan City Information Division Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -