31.2 C
Manila
Friday, March 29, 2024

Deparment Of Agriculture Gitunol Ang Milyones Nga Laboratoryo, Gamit Panguma Sa Davnor

- Advertisement -

DAVAO CITY –    Gitunol sa Department of Agriculture (DA) XI ang 5.5 milyones ka pesos nga kantidad sa Banana Tissue Culture Laboratory, Farm Tractors ug mga Rice Transplanter ngadto sa probinsyal nga panggamhanan aron mapauswag pa ang pagpanguma sa saging ug humay, Oktubre 7, 2019.

Matod ni Regional Director sa DA-XI Engr. Ricardo M. Oñate nga ang probinsya abtik mo-comply sa mga kinahanglanon hinungdan nga “una” gyod kining nakadawat sa mga proyekto gikan sa ilang buhatan.

“Unsaon ta man nga ang naay data, ang klarong naka-validate, ang Davao del Norte ra man,” matod ni Direktor Oñate samtang naghisgot sa dili pa lang dugay nadawat milyones nga proyekto solar-powered irrigation diha sa Tagum, New Corella, Semong (Kapalong) ug Asuncion.

Sa pakig-alayon sa probinsyal nga panggamhanan ni Gobernador Edwin I. Jubahib, motabang sab ang DA kung pananglit gustong mobalik sa pag-uma ug humay ang apektadong sagingan pinaagi sa B2B nga programa.

“Labot sa Fusarium Wilt, ang LGU ang mag-provide sa mga equipments kung gusto nilang mobalik
pagka-humayan samtang ang DA mao ang maghatag sa mga planting materials ug himoong model farm para apil na ang abono,” dugang sa DA-XI Direktor.

Dili lang Cavendish, ang Banana Tissue Culture Laboratory magpatungha sab ug dinaghan nga mga igtatanom nga saging sama sa Cardaba ug Lakatan nga sa pagka-karon sa katibuk-an motagana ug 7,500 hangtod 10,000 matag bulan ug mahimong moabot sa 20,000 seedlings kung adunay dugang pondo.

Ilawom sa RA 10601 kun Agricultural & Fisheries Mechanization Law, nakadawat sab ang DavNor ug duha ka ‘Kubota’ farm tractor 35.5 horsepower nga nagkantidad ug P1.198M matag usa ingon man lima ka Rice Transplanter nga nagkantidad ug P205,000 matag usa.

Gipaabot ni Probinsyal Administrator  Engr. Josie Jean Rabanoz ang dakong pasalamat ni Kuya Gob.

“Gustong ipaabot ni Kuya Edwin ang iyahang dakong pasalamat sa Department of Agriculture sa
paghatag aning tractors ug rice transplanter. . Sa paglingkod gyod ni Gov ug ni Vice guv deretso dayon sila’g tan-aw unsay mga kinahanglanon sa mga farmers. . Isa ning pamatuod nga kung magkahiusa tang tanan dali ra ang pagkab-ot sa gusto natong moabot nga grasya. Sa kanunay ang hangyo ni Gov uban sa mga opisyales nga magkahiusa tang tanan kay sa pagtinabangay dako ang atong makab-ot,” matod ni PA Rabanoz.

Gikan sa DavNor PAGRO, itunol sab ang mga kagamitan ngadto sa mga kooperatiba sa mga mag-uuma.

- Advertisement -
- Advertisement -

Related Articles

- Advertisement -
- Advertisement -

Latest Articles

- Advertisement -