CAGAYAN DE ORO CITY – Anaa karon sa kustodiya sa Bureau of Customs (BOC)- Northern Mindanao ang toneladang garbage shipment sa Tagoloan, Misamis Oriental. Kini subay sa mando sa warrant of seizure and detention nga gipagula ni District Collector Floro Calixihan, ang BOC maoy mokustodiya niini hanghtud nga wa pay laing mando gikan sa maong buhatan.
Sa ilang kabahin, ang Department of Environment and Natural Resources (DENR) mihimo usab sa ilang lakang mahitungod niini. Base sa pamahayag ni DENR Undersecretary for Solid Waste Management ug LGU concerns Benny Antiporde nagsugilon nga buot na ni DENR Secretary Roy Cimatu nga maresolbar na ang maong isyu sa labing madaling panahon.
Matud niya nga ang Environmental Management Bureau sa DENR nagsugod na sa pagpahigayon sa waste analysis ug characterization study sa maong shipment sa gideklara nga “plastic synthetic flakes.” Ang resulta sa maong pagtuon gilauman nga mapagawas karong semanaha nga maoy basehan sa paghimog tukmang aksyon nga himuon sa DENR.
Suma pa nga kon mapamatud-an nga hazardous ang nahisgutang shipment, ang DENR morekomendar sa paghibalik niini sa country of origin ingon man ang pagfile sa administrative ug criminal charges batok sa mga nalambigit nga mga personalidad.
Ang shipment naka-consign sa South Korean Company Verde Soko II industrial Corp nga nag-operate sa 4.5 hectare nga waste recycling facility suds a Phividec Industrial Estate sa Lungsod sa Tagoloan, Misamis Oriental.