Davao Region, Unang Makapatuman Sa National ID System Sumala Pa Sa Philippine Statistics Authority

by RPN
0 comment
Davao Region, Unang Makapatuman Sa National ID System Sumala Pa Sa Philippine Statistics Authority

Davao City- Gilauman nga ang Davao Region ang labing unang rehiyon sa tibuok nasud nga makabaton ug mapatuman ang Identification System ilawom sa Republic Act 11055 kun ang National ID Law human nga hingpit nang gipermahan ni Presidente Rodrigo Roa Duterte niadtong nakalabayng Agosto sa tuig 2018.

Sumala pa ni Philippine Statistics Authority kun PSA Regional Director Ruben D. Abaro Jr. nga gil;aumang sugdan ang National ID System sa katapusang kwarter ning tuiga hinungdan nga karon pa lamang daan giawhag na ang katawhan sa pagpa enroll niini.

Gilaraw usab karon sa buhatan nga magbaton ug mga Mobile Registration Centers diin katambayayong niini ang mga Local Government Units. Nasayran nga isip lead agency, ang Philippine Statistics Authority magmuntar ug m ga accredited registration centers aron didto personal nga mobisita ang katawhan alang sa ilang pagpa Biometrics.

Mamahimong makapa rehistro alang sa National ID system ang si bisan kinsa nga nag edad sa 5 anyos pataas ang pangidaron apan gipasabot ni Abaro ang mga bata gikinahanglan nga magpa re- Register panahon nga sila mamahimong teen-ager alang sa pagpa Biometrics.

Ang Philippine Statistics Authority magpatuman sa National ID system nga libreng ihatag sa katawhang rehistrado ang ilahang mga Identification Card human usab nga ma Validate ang mga Personal Information sa matag rehistrado.

Related Posts

Leave a Comment