30.9 C
Manila
Friday, March 29, 2024

DAKONG “SWINE FARM” SA SUGBO GIREKLAMO NGADTO KANG PRESIDENTE DUTERTE

- Advertisement -

Gisugdan karon sa mga tinugyanan sa Environmental Management Bureau (EMB-7) ang pakisusi batok sa labing dako nga “swine farm” (baboyan) sa lungsod sa Alegria, Sugbo nga gireklamo ngadto kang Presidente Rodrigo Duterte gumikan sa dili masingo nga baho.

Gibutyag ni EMB-7 Director William Cuñado nga usa ka “team” ang iyang ipadala ngadto sa Brgy. Madridejos, Algeria, Cebu diin nahimutang ang “swine farm”.

Matud ni Cuñado nga ang EMB-7 team mohimo’g pakisusi sa mga reklamo sa mga apektadong residente.

Gipasalig usab ni Cuñado nga pahamtangan gyud nila sa tukmang silot ang “farm operator” kun ilang matino atol sa “ocular inspection” ang mga gitumbok nga mga kalapasan sa “environmental laws”.

Nasayran nga ang naila nga “environmental advocate” nga si Elizabeth Lopez maoy pormal nga miduso sa reklamo ngadto sa buhatan sa Presidente human gipatuman ang “closure order” batok sa laing “piggery” sa lungsod sa San Fernando, Cebu nga giingong nakahimo sa susamang kalapasan.

Sa pikas bahin, gipadayag ni Algeria Mayor Verna Magallon nga awhagon niya ang buhatan sa EMB-7 ug ang PENRO-Cebu pagmugna sa usa ka “joint team” nga maoy mosusi ug mohimo’g subling “assessment” sa gireklamo nga “swine farm” aron matino kon mituman ba ang “farm owner” sa nahauna nilang rekomendasiyon .

Giangkon sa Mayor nga dili gyud unta angayan nga mo-“operate” ang “swine farm” sulod sa “residential area” apan mihatag og permiso sa “farm owner” ang nakalabay’ng administrasyon.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -