Daling mirespondi ang Davao City Police Auxilliary ug Kapolisan nga sakop sa Davao City Police Office sa baybayong sakop sa Barangay Lapu Lapu Agdao pasado alas otso (8) kagabii. Kini human nga nalisang ang mga residente nga nanimuyo daplin sa baybayon gumikan sa Dakong Buhawi nga nakit an sa mga residente.
Sumala pa sa pipila ka mga tawo nga nakakita sa panghitabo, murag nahubas ang tubig sa dagat gumikan kay gisuyop sa dakong buhawi. Hinuon pila lamang ka gutlo nga mipakita ang buhawi ug kalit lamang kining nawala.
Human nahanaw ang dakong buhawi, nakita na lamang sa kapolisan ug sakop sa task force Davao ang pipila ka mga Bangka nga naguba samtang dunay pipila ka mga kahoy daplin sa baybay ang nangatumba.
Hinuon way naangol nga mga residente sa panghitabo samtang sa pagsuwat nining balita wala pay natala nga balay nga naguba sa buhawi samtang naghimo pa ug pagpanubay ang kapolisan sa nahisgutang panghitabo…