Daanbantayan Cebu Mayor Vicente Loot nangangamba na sa kaligtasan

0
69

Nangangamba na para sa kanyang kaligtasan ang isa sa mga ‘narco-general’ na si retired PNP Chief Superintendent Vicente Loot na ngayo’y alkalde ng Daanbantayan, Cebu.

Ayon kay Senior Inspector Adrian Nalua, Hepe ng Daanbantayan Municipal Police, nakatanggap sila ng sumbong mula kay Loot kaugnay sa ilang kahina-hinalang lalaking umaaligid malapit sa kanyang bahay.

Ipinagbigay-alam aniya kay Loot ng mga kasambahay nito ang presensya ng ilang hindi kilalang lalaking lulan ng mga motorsiklo.

Magugunitang humiling si Loot sa pulisya ng police escorts matapos siyang tambangan at kanyang pamilya ng mga hindi nakilalang salarin sa New Maya Port, noong Mayo 13 kung saan nasugatan ang kanyang driver at kasambahay.

—-