Construction Workers Ug Tulo Ka Estudyante Biktima Sa Pagpamunal

by RPN
0 comment
Construction Workers Ug Tulo Ka Estudyante Biktima Sa Pagpamunal

Nadala sa ospital ang usa ka construction worker human kini gibagbagan ug puthaw nga miresulta sa pagka-gisi sa iyang ulo niadtong Marso 6, 2019. Naila ang biktima nga si Ricky Gemao, 28 anyos ug residente sa Purok-8 Brgy. San Juan siyudad nan Surigao, samtang ang iyang kauban naila usab nga si Richard Salinas, 20 anyos, construction worker ug residente sa Purok-6 Cagdianao, Dinagat Islands nga diin naka-angkon usab ug samad sa iyang aping.

Basi sa imbestigasyon gibutyag sa biktima nga si Richard Salinas pasado alas 4:00 ang takna sayo sa buntag samtang sila natulog sa gipahigayon nga bag-ong building sa dalang Sarvida kanto San Nicolas, adunay tulo ka mga lalaki ang misuod sa maong building ug sa walay igong rason gi-bagbagan ang duha ka mga construction workers hinungdan nga naka-angkon ug samad sa ulo si Ricky Cemao samtang si Richard Salinas naka-angkon ug samad sa aping niini ug maoy mi-gukod sa tulo ka mga suspetsado paingon sa dalang Magallanes.

Human sa maong insidente, laing biktima na usab ang puntirya sa mga suspetsado nga diin tulo ka mga estudyante ang nabiktima naila nga si Kolen Cubillan, 21 anyos, residente sa Purok-3 Brgy. Navarro Socorro, Surigao Del Norte, Nedito Golandrina, 19 anyos nga taga Purok Mangga, Brgy. Punta, Pilar, SDN ug Subair Ampaso, 23 anyos nga residente sa P-2 Brgy. Navarro, Socorro, SDN. Ang pagpamunal nahitabo sa may dalang Magallanes dapit sa may exit gate sa Provincial Sports Complex.

Human sa maong insidente nalakip sa pagdala sa tulo ka mga suspetsado ang duha ka cellphone, pitaka ug mga importanteng dokumento ug dali nga misibat sa wala masayri nga direksyon. Samtang ang mga kawani sa kapulisan nagpahigayon karon ug manhunt operations pinaagi na sa theft and robbery unit sa Surigao City Police Station alang na sa pag-rekober ug paka-sikop sa maong mga suspetsado.

Related Posts

Leave a Comment