Compostela Valley- Opisyal nga gipaabot sa hapit 600 Coop Leaders sa Comval Province ang ilang dakong pasalamat sa Kongreso (Lower House ug Senado) tungod gi-retain gihapon ang Tax Exemption sa mga kooperatiba nga maoy highlight sa usa ka adlawng “Compostela Valley Provincial Cooperative Summit and Coop Caravan 2018” nga gipanguluhan ni Provincial Cooperative Development Council Chair Gov. Jayvee Tyron Uy pinaagi nila ni Provincial Cooperative Union Chair Roberto Padilla, Cooperative Development Division Chief Manuel Buladaco, ug Budget, Appropriation, Ways and Means and Economic Enterprise Committee Chair BM Macario Humol.
Ilalom sa temang “Cooperatives: Partners for Building Resillent and Empowered Communities Towards a Better and Stronger Philippines” ang probinsiya nagselebrar sa Cooperative Month sa bulan sa Oktobre 2018, ug parte sa Month Long Celebration ang usa ka adlawng “Provincial Cooperative Summit and Coop Caravan” nga giapilan sa hapit 600 ka mga koop Leaders gikan sa onse ka mga lungsod sa Compostela Valley.
Apil sa mga labing importanteng kalihokan sa usa ka adlawng panagtapok ang Launching of Koop Kapatid Program, ang Turn Over of Financial Assistance to Cooperatives, ug sa Summit Presentation ang “Federalism in the Philippines and its Prospects to Philippine Economy” nga gipresentar sa mga sakop ni DILG Region XI Director Alex Roldan.
Apan panahon sa Plenary Session ang tanang mga partisipante nagkahiusa pagpasar sa Resolution nga nagpasalamat sa mga magbabalaod sa nasud tungod ilang gi retain ang Tax Exemption sa mga Cooperatiba diha sa TRAIN Law.