Comelec Surigao Nag-Sugod Na Sa Pag-Training Sa Paggamit Sa Vote Counting Machines

Tag-pahibayo ni Atty. Racquel Limbaco an Surigao Del Norte Provincial Election Supervisor na sugdan na nila an pag-training kabahin sa paggamit sa vote counting machines. Laong ni Atty. Limbaco na jaon nay pipila ka vote counting machines na nangabot kagahapon Pebrero 18 para na sa nahisgutang training.

Tagsugdan an training gikan sa mga election officers iban sa mga assistant election officers tibuok probinsya. Matod pa ni Atty. Limbaco na pareho ra ini sa mga tag-gamit nan jadton eleksyon 2016 na may gamay lamang kabag-ohan sa configurations para sa mas mamahimong user friendly. Dugang pa sa impormasyon na sa sunod semana an mga sakop sa electoral boards an ipaubos sa training.