Miani ug nagka lain-laing reaksyon ang pipila ka mga partisipante sa forum sa panawagan sa kababayen-an alang sa limpyo ug tinuod nga eleksyon kagahapong adlawa Marso 13, 2019 sa Taven Annex diin gikadismaya gayud sa City COMELEC officer nga si ni Mrs. Gina Taer ang giluwatang mensahe sa Regional Chairperson Sa People Power Volunteers for Reform (PPVR) nga si Ms. Concepcion Asis mahitungod sa duha ka klase sa vote buying partikular sa CF card o compact flash card nga matud pa mapalit kini sa kauluhan ug anaa nay sulod daan nga resulta sa ipahigayong eleksyon nga boot ipasabot naay switching sa CF card.
Sumala pa ni Mrs. Gina Taer nga iya lamang klarohon ang gipamahayag sa nasangpit nga mamumulong nga dili gayud tinood nga ang CF card nga anaa sa PCOS machine pwedeng maalisdan tungod kay dili kini basta-basta maalisdan ug dili daling matangtang tungod kay aduna pay 3 ka pincodes adiser kini maalisdan ug taas pa ang proseso niini. Busa maong nalain siya nga gi-bungat kini sa maong mamumulong atubangan sa kadaghanan.