College Performance Review Nan Surigao State College of Technology Gipahigayon

by RPN
0 comment
College Performance Review Nan Surigao State College of Technology Gipahigayon

Pormal na tag-report nan president nan Surigao State College of Technology na si Dr. Gregorio Gamboa Jr., an mga nahimo nan eskwelahan sa milabay na tuig, subay ini sa mandato na paghatod nan dekalidad na edukasyon, pagtuon sanan sa natad nan extension and production services.

Sa ija report, tagsaysay ni Dr. Gamboa nga padajon pa kuman an proseso sa paghikay sa pagtuman sa mga rekisitos nan Commission on Higher Education kun CHED para na sa pagka-universidad nan nahisgutang tulunghaan, subay isab ini sa lagda nan Acta Republica 11010 nga tag-pirmahan na ni Pres. Rodrigo Duterte nan jadton Marso 2018.

Natigajon an maong kalihokan sa bag-ong natukod na SSCT gymnasium sa city campus na tinambungan nan mga empleyado, mga magtutudlo sanan mga estudyante sa nasangpit nga tulunghaan. Didto isab si Atty. Manuelito Delani an City Legal Officer nga nag-representar kan Mayor Nitoy Matugas sanan Atty. Primolito Plaza an Provincial Administrator nga nag-representar kan Gov. Sol Matugas iban na sa pipila ka mga bisita.

Related Posts

Leave a Comment