Collective Negotiations Agreement Tali Sa Surigao City LGU Sanan Sa Surcema, Rehistrado Na Sa Civil Service Commission

by RPN
0 comment
Collective Negotiations Agreement Tali Sa Surigao City LGU Sanan Sa Surcema, Rehistrado Na Sa Civil Service Commission

Isa ka suyat an nadawat nan opisina ni Surigao City Mayor Ernesto Matugas gikan sa Civil Service Commission pinirmahan ni Cecilia Dela Fuenta Director IV, human resource relation office nga nagpahibayo na subay sa rule 13 nan amended rules and regulations agreement tali na sa city government nan Surigao sanan sa Surigao City Employees Association (SURCEMA) nahi-rehistro na ubos sa certificate of registration no. 1640, pinetsahan Marso 7, 2019 ug tagpaabot na pareho an duh aka partido mag-tuman sa mga nahilatid na mga probisyon sa naasoy na kasabutan.

Sa nahinang na Collective Negotiation Agreement (CNA), lakip didto an probisyon sa tinuig na cash incentive na ihatag sa tanan personahe nan city LGU, human nga madeklarar nan management nan savings, na an kantidad kinahanglan parehas sa tanan empleyado dili mag-base sa ranggo o posisyon.

Isip kabahin sa general wellness program, pwede sad na an LGU mopahimutang nan financial assistance sa tinuig na kalihukan nan SURCEMA sa socio-cultural sanan sa sports.

Lakip pa isab sa kasabutan nga an city LGU pinaagi na sa city health office na mohatag nan libre na annual medical and dental check-up package ngadto sa mga sakop nan SURCEMA pareho nan urinalysis, stool exam, cbc, hepatitis B test, cholesterol lipid profile, blood uric acid, creatinine sanan tooth extraction.

Related Posts

Leave a Comment