Giangkon ni City Police Director Senior Supt. Nelson Aganon nga sila nangayo karon sa dugang hinabang financial gikan sa Cityhall savings Additional Support aron padayon nga masuportahan nila ang ilang anti-crime Campaign. Kini tungod kay ilang nasinati karon ang problema sa kwarta ug bisan pa gani sa supply sa ilang petrolyo. Ang maong concern gisugilon niatubang sa konseho sa dakbayan aron sa pagbrief sa local legislators kon giunsa sa police pagpatunhay ang kahusay ug kalinaw sa syudad taliwala sa hulga sa terorismo.
Apan gibutyag sa maong city police director nga dili na nila mahimo ang igong police operations ang ipalig-on pa ang “war on illegal drugs“ tungod sa kakulangan sa budget.
Sa nakalabay nga duha ka tuig ang City Hall migahin sa 2.7 milyones pesos alang sa pag increase sa fuel supply sa COCPO. Apan, matud ni Aganon nga ang maong gahin mahurot na ning panahuna.
Alang sa 2019, ang proposed budget alang sa COCPO gipasakaan ngadto sa P5.9 million, igo nga makahatag sa police units sa tag 10 litros nga petrolyo matag adlaw. Ang dugang gahin sa petrolyo gikinahanglan tungod pud sa nagkadaghan nga sakyanan sa kapolisan.