City Administrator Nagpasalamat Sa Mga Mibayad Nan Buhis Sa Unang Adlaw Sa Business-One-Stop-Shop

Atol sa unang adlaw nga pagsugod sa one-stop-shop diin matag tuig kining ipahigayon sa dakbayan sa Surigao, kini gisugdan Enero 7 hangtod sa petsa 20 ning kasamtangang tuig. Ubay-ubay gayud ang mi-dagsa nga mga Surigaonon aron mubayad sa ilang mga buluhisan, lakip nasad ang mga negosyante aron sa pag-renew sa ilang mga lisensya kun business permit.

Nakita sa radyo ronda ang presensya sa City Administrator Atty. Jerry Centro nga anaa nag-lantaw kun unsay mga kakulangon sa mga kagamitan nga gamit sa one-stop-shop. Sa maong higayon mipaabot sa iyang pasalamat si Atty. Centro ngadto sa tanang mibayad na sa ilang mga buhis ug nagkuha sa ilang mga permit, sa maong paagi ang binayad mubalik ra kini kanato pinaagi na sa mga proyekto.