Mapasalamaton si Misamis Oriental Governor Yevgeny Vincente “Bambi” Emano nga walay gakadawat nga hulga sa pagpamomba ang probinsya.
Kini taliwala pa man sa nahitabo sa kasikbit nga mga dapit. Apan taliwala pa man niini, mas gipalig-on pa karon ang pagpahigayon sa checkpoint sa kapolisan sa kadalanan sa Misamis Oriental ubos sa pagpangulo ni Police Supt. Rolando Destura. Gibutyag sa maong opisyal nga taliwala pa man nga hugot nga seguridad gipatuman sa kapolisan apan nagkinahanglan pa gihapon sila sa suporta sa katawhan aron dali nga mamatikdan ang mga dautang elemento.
Sa pikas bahin, mapasalamatan ang kapolisan sa simbang katoliko, mga muslim, lumad ug nagkadaiyang relihiyon sa probinsya sa padayong pag-ampo alang sa kahusay ug kalinaw sa probinsya.