29.8 C
Manila
Thursday, March 28, 2024

Certified Voters List Tagpagawas Na Nan COMELEC

- Advertisement -

Tagpahibayo ni Mrs. Gina Taer an Surigao City Election Officer na ila na tagpaskin sa gawas nan ila opisina sa Land Transport Terminal building sa Brgy. Luna an certified voters list, kun diin makita didto sa gawas an ngayan sa mga botante, an pipila ka mga detalye pareho nan precinct number sanan an voting center.

Dungan dinhi sija nanawagan ngadto sa mga katawhan na para sa pag-siguro na jaon sa listahan nan botante sanan para sa pagklaro kun hain na presinto o voting center, diin mas marajaw na masilib na daan an voters’ list.

Tagsulti isab niini na nahimong malampuson an pagpahigayon sa “Operation Baklas” kagahapon Pebrero 12, 2109 na hiniusa na taghimo dinhi sa ciudad nan Surigao ug sa probinsiya inibanan nan City PNP sanan sa DPWH 1st Engineering District. Tagsaysay pa niini na an jadton ila taghimo na “Operation Baklas” amoy una pa lamang sa mamahimong serye hangtod sa waya nay ma-obserbahan na mga ilegal na pag pang-display nan matawag na campaign materials.

Tagpaklaro isab nan COMELEC na sa pagka-kuman an mga material pa lamang anay nan mga kandidato sa pagka-senador sanan sa partylist an ila matang-tang kay an sa lokal adto paman sa Marso 29, 2019 an campaign period.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -