Cebu City – Upat ka mga korean nationals lakip na ang main subject sa gidudahang illegal POGO operation ang nasikop sa gipahigayong raid sa Criminal Investigation and Detection Group (CIDG-7) Lapu-Lapu Field Unit, sa usa ka condominium sa Barangay Lahug, Syudad sa Sugbo, Biyernes sa buntag, Agosto 5, 2022.
Kini ang gibutyag ni Police Captain Sanoy Nigel, chief exective sa CIDG-7 Lapu-Lapu Field Unit.
Ang pagpang ronda pinasikad sa search warrant nga gi issue ni Presiding Judge Ramon Daomilas Jr, gumikan sa kalapasan sa Republic Act 8484 o ” An act regulating the issuance and use of access devices, prohibiting fraundulent acts committed relative thereto.” .
Gibutyag ni Sanoy nga nasikop nila ang main subject nga usa ka 42 anyos nga korean national ug laing tulo ka mga korean sab.
Gitug-an sa opisyal nga taudtaud na kining nagpuyo sa Pilipinas mga nadakpan kinsa mga foreign nationals ra gihapon ang ilang mga biktima.
Matod pa nga ang ilang trabaho kini gyud ang online gaming o gambling, paghimo ug dating sites, mga Apps ug ubang illegal activities.
Usa sa mga modus sa ilang operation mao ang paghimo ug mga application diin mo register ang ilang mga target alang sa pag invest ug dakong kantidad sa kwarta.
Human niini, matod pa nga i shut down nila ang applicaton ug sa maong paagi dili na makuha sa nag invest ang ilang kwarta.
Nagkanayon si Sanoy nga tipik lang kini sa ilang(Pogo operators) illegal nga mga activities.
Laing modus mao ang uban, matod pa magpa as if nga taga bangko, dunay say uban nga mo text sa cellfon, ug sa higayon nga i click kini sa naka dawat, dag-on kini ngadto sa ilang link.
Kadtong naay naka save nga application sama sa bank transfer, dili kini safe sa higayon nga i click, mao nga pahimangno sa CIDG nga dili magpa taka ug click sa link.
Nagkanayon ang CIDG nga taud taud na ang ilang surveillane; gisugdan ang project niadtong last February ug na approve ang application sa search warrant sa miaging Miyerkules.
Giangkon sa otoridad nga daghan ug gi agian sa wala pa makuha ang “sufficient evidence” nga ma prove niini sa korte nga dunay gihimong illegal activities.
Nagkanayon ang opisyal nga basi sa personal account sa informant nag operate na ang mga dinakpan duha ngadto sa tulo na ka tuig.
Gibutyag ni Sanoy nga una kini niyang experience ang maong raid sa Sugbo apan duna nay upat ngadto sa unom dihang nag base kini sa Angeles City.
Sigon pa niini nga dunay Filipina assistant nga tig luto ug tig kompra sa grocery kay sagad sa mga korean walay gawsanay sa ilang unit, mogawas lang ug gabii pero dili tanan.
Dili hinoon maka ingon si Sanoy nga dako kini nga grupo ang nag operate apan maka siguro kini nga daghan sila nga dunay individual activity aron sa pag sustain sa ilang lifestyle, sanglit gikonsidera kini nga easy money.
Gitandi sab sa opisyal nga kung sa korean kini buhaton, grabe ka hi tech didto ang cyber security ug matod pa nga maglisod sila kay ahead sila sa ato.
Atol sa pag ronda, naaktuhan nga dunay nag dagan nga figure, in and out sa kwarta gkan sa Korea nga miabot ug 26 million wun sa usa lang ka computer.
Ang CIDG mipahibaw nga duna kini ginagmay nga information ug ilang gipaningkamotan nga ma trabaho tungod kay ilang gitan aw nga looy ang mabiktima ma Pilipino o Korean national. (Jhon Tadlip)
(News & photo courtesy of Criminal Investigation and Detection Group – 7)