Cebu City – Gipirmahan ni Cebu City Mayor Michael Rama ug mga executives sa Megawide Construction Corporation (MCC), ang supplemental memorandum of agreement (MOA) sa joint-venture agreement (JVA) sa Carbon Public Market modernization project nga mo dugang pag enhance sa developement merkado, Domingo, Hulyo 31, 2022.
Human sa pinirmahay, gidawat sa Cebu City Government ang unang annual guaranteed payment nga ₱ 50 million gikan sa developers.
Midawat sa tseke ang City Treasurer’s Office aron i-deposito kini sa general funds sa syudad.
Matod ni City Treasurer Ivy Fernandez nga dakong tabang alang sa gastohan sa syudad ang nahisgutang kantidad labi nga mga madawat kini kada tuig.
Sa wala pa ang aktwal nga program, gisuroy ni Rama ang mga kadagkuan sa MCC libot sa Carbon Public Market ug sa City Hall.
Gipaambit sa mayor ngadto sa mga executives ang direction sa syudad ngadto sa development sa public market ug ubang mga stuctures palibot niini.
Nagkanayon si Rama nga ang accomplishment sa project resulta kini dili lang sa mga pulong, lakip na ang aksyon sa governmenet officials, developers ug market vendors.
Gikalipay sa mayor nga ang tanang mga vendors gikan sa daan nga public market ma accomodate sa interim market.
Gidugang ni Rama nga ang proyekto dili mahitungod sa kwarta nga makuha sa syudad kundi sa comfort nga mahatag ngadto sa mga vendors ug market-goers sa higayon nga mahuman na ang public market.
Importanteng provisions
Sa ilang bahin, si Cebu2World Development Inc. (C2W) deputy general manager Lydwena Eco nagkanayon nga ang supplemental MOA gitumong aron pag enhance sa kasamtangan nga mga provision sa JVA.
Kini naglakip sa increase sa total capital expenditure o investment nga ibobu sa C2W ngadto sa proyekto gikan sa P5.5 billion ngadto na sa P8 billion, tungod sa dugang locations ug works nga gipangayo sa syudad.
Ang pagbutang sa Freedom Park ngadto sa iyang orihinal nga location isip kabahin sa historic preservation nalakip na karon sa provision sa supplemental JVA.
Gitakda nga mahuman ang 2,000-square meter Freedom Park sa katapusang bahin sa tuig 2022; duna kini feature nga open-air park.
Ang supplemental JVA nagsiguro sab sa mga residente sa Sitio Bato, Barangay Ermita nga dli mahilabtan hangtud nga ma andam na ang ilang relocation site.
Gipahibaw ni Eco nga klaro ang instrution ni Rama nga magpabilin ang mga residente sa ilang kasamtangan nga nahimutangan hangtud sa mahuman ang relocation site.Â
Gibutyag sa developers nga ang mga reclocated vendors nagsugod na ug paninda sa Interim Market nga mas limpio ug mas hamuganay sa publiko.
Ang building dunay kompletong connection sa tubig, kurente, limpio nga mga bathroom sa tanang genders ug person with disabilities, ug closed-circuit television cameras.
Duna say ramps ug service elevators nga ibutang sa market alang sa sayon pag transfer sa bug-at nga mga goods sa mga vendors. (Jhon Tadlip)
(News & photo courtesy of Office the City Mayor-Cebu City | Megawide Construction Corporation)