31.6 C
Manila
Sunday, May 29, 2022

Cebu: Sunod sunod nga sunog sa syudad sa Sugbo, posibling gumikan sa “faulty electrical wiring” nga gibiling danyos sa bagyong Odette; CCFO mipahinumdum nga ipacheck ang mga linya

- Advertisement -

Cebu City – Gipahinumduman sa Cebu City Fire Office (CCFO) ang publiko pag check sa electrical wiring sa ilang mga panimalay o mga buildings aron pag menus sa risgo sa sunog nga mahitabo.

Visit RPN DYKC Cebu

Kini maoy gipadayag ni Senior Fire Officer ( SF02) Windell Villanueva, information officer  sa CCFO, human sa sunod sunod nga sunog sukad sa pagsugod sa Fire Prevention Month pagka Marso 1, 2022.

“We are perplexed considering that we are observing the Fire Prevention Month this March. Supposedly, this time of the year is mostly sunny, but this year, it’s the exact opposite [as it’s alway raining]. I have talked with the investigators and they are still on the ground conducting investigation as regards the cause of the fire. But they are focusing more on the possibility that the cause has something to do with the electrical wiring,” mensahi ni Villanueva.

Gibutyag sa kadagkuan sa CCFO nga sa unang unom ka adlaw ning buwan sa Marso, miabot na ug unom ka sunog ang miigo sa syudad nga mibana bana sa danyos nga moabot ug ₱ 14 milyones.

Sagad sa mga naigo sa sunog mga residential areas.

Niadtong Marso 1, pagbukas sa seremonya sa Fire Prevention Month, gisugat dayon kini ug sunog sa Barangay Capitol Site ug sa Pardo.

Pagka Marso 5, laing sunog ang gi respondehan sa Barangay Mabolo ug Ermita.

Kagahapon, Domingo, Marso 6, duha ka sunog ang mi-ulbo sa Barangay San Antonio ug Lahug.

Alang ni Villanueva nga dunay posibilidad nga ang mga nangadaut nga wirings gumikan sa bagyong Odette maoy hinungdan sa mga sunog.

“Because those houses involved in the fire were damaged, perhaps, due to electrical wiring that was not checked by the licensed electricians [after Odette]. And  since it’s raining these days, [these faulty wirings] may have sparked, eventually causing a fire,”  pahibaw sa opisyal.

Ang super typhoon Odette mibilin ug grabeng danyos sa parti sa Sugbo, lakip na ang Syudad sa Sugbo niadtong Disyembre 16.

Subay niini, mi apela si Villanueva sa publiko nga ipa check ang ilang electrical wirings sa mga rehistradong electricians.

“We appeal to the public that as much as possible, since most of the electricity is already restored, it would be better if we revisit the electrical connections and wirings that might have been destroyed by Odette,” hangyo ni Villabueva.

Bisan kon sayon nga istoryahon, kay sa buhaton, matod ni Villanueva nga ang presence of mind importante sa paglikay sa sunog ug pagtubag, sa panahon nga mahitabo kini.

Dugang sa opisyal nga nga kinahanglang himoong habit ang pag check sa mga gamit ug mga appliances sa balay mga mamahimong maoy hinungdan sa sunog.

“Fire safety is everybody’s concern,” dugang pahinumdum ni Villanueva.

Kong itandi niadtong Marso 2020, ang CCFO nakatala ug 23 ka fire incident, nagbilin ug danyos nga P1.4 milyones; pagka 2021, mikunhod sa 18 ka mga fire incindents ug nagbilin kinig danyos nga P7.4 milyones.

(Source: Cebu City Fire Office, photo courtesy by Jhorgie Ledesma)

- Advertisement -

LEAVE A REPLY

Please enter your comment!
Please enter your name here

- Advertisement -

Related Articles

- Advertisement -
- Advertisement -

Latest Articles

- Advertisement -