Cebu City – Pormal nang nanumpa sa ilang pagka full-fledged mayor ug bise mayor si Cebu City Acting Mayor Michael Rama ug si City Councilor Dondon Hontiveros, Sabado sa Buntag, Nobyembre 20, 2021.
Nanumpa sila si Rama ug Hontiveros usa ka adlaw human sa kamatayon ni Mayor Edgar Labella.
Si Court of Appeals (CA) Cebu Associate Justice Gabriel Ingles maoy mi administer sa pag panumpa ni Rama.
Human sa iyang pag take oath, si Rama mao na say mi administer sa oath ni Hontiveros.
Mitambong sa maong kalihukan ang asawa ni Rama nga si Malou, ug ang iyang anak nga si Mikel ug MJ; diha sab ang iyang mga igsoon.
Lakip sa mitambong ang pamilya ni Hontiveros.d
Sa press conference, gipasabot ni Rama nga siya ug si Hontiveros mi take oath dayon aron way “hiatus” sa mga serbisyo sa city government.
Matod ni Rama nga wa siya mangandoy nga modala sa renda sa kagamhanan sa syudad human sa kamatayon ni Labella.
“This is not the way I would wish to become a regular mayor. I just came from where my partner was being laid and talked with him with with the city administrator Jun Casas before coming here “Edgardo, this is not the way I wish to take the rein in the city government,” saysay ni Rama, atoll sa iyang pag bisita sa haya ni Labella, Biyernes, Nobembre 19.
Karon nga usa na kini ka full-pledged mayor, alang ni Rama nga bout niya nga totokan ang pagpadayon sa mga plano ni Labella pagsiguro nga dili mapakgang ang mga serbisyo sa City Hall.
(News & photos courtesy of Cebu City PIO)