29.5 C
Manila
Friday, March 29, 2024

Cebu: Public hearing gipahigayon gumikan sa mga reklamo sa mga kunsumidor sa MECO

- Advertisement -

Cebu City – Mipahigayon ug public hearing ang Lapu-Lapu City government pinaagii sa City Council mahitungod sa Mactan Electric Company (MECO) aron pagtubag sa mga issues ug mga concerns sa mga konsumidor sa syudad sa Lapu-Lapu.

Visit RPN DYKC Cebu

Pinaagi sa imbitasyon ni Mayor Junard “Ahong” Chan, Vice-Mayor  Celedonio Sitoy ug konseho sa syudad mitunga sa session hall ang mga opisyal sa MECO pinanguluhan ni Engr. Gilbert Pagobo ug Admin Official Jazz Rusiana.

Kini aron pagtubag sa mga isyu labot sa pagsaka sa bayranan sa kurente nga naka tandog sa mga konsumidor sa MECO sa nahisgutang syudad, Septembre 1, 2022.

Gipasabot ni Meco General Manager Pagobo nga dili ang ilang distribution rate maoy ni increase, nga maoy ilang kasamtangan nga rate sa 10 na ka tuig, kundi ang generation cost ug transmission cost maoy nisaka ug makita diha sa monthly bill sa mga konsumidor.

Kabahin sa problema sa meter reading, mi request ang konseho ngadto kang Engr. Pagobo nga mag assign ug exceptional staff nga maoy mo atiman labi na sa mga reklamo sa giingong “estimated billing” nga gipadayag sa mayoriya sa mga kunsumidor nga mitambong sa hearing.

Sa ilang bahin, gidawat ni Pagobo ang hangyo sa syudad ug misaad nga maghimo ug special team nga maoy mo atiman sa mga reklamo sa estimated billing.

Iya sab nga gisaad nga mapatuman sa labing daling panahon ang pag-atiman sa mga customer nga mobisita sa ilang opisina alang sa billing clarifications ug complaints.

Lakip sa mga mipadayag sa ilang mga concerns ang konseho sa syudad, city legal office ug mga konsumidor sa MECO atol sa public hearing nga natapos sa tunga sa adlaw. (Jhon Tadlip)

(News & photo courtesy of Lapu-Lapu City PIO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -