Cebu City – Gipili ni Presidente Rodrigo Roa Duterte (PRRD) ang Syudad sa Lapu-Lapu nga maoy venue sa PDP-Laban Cebu proclamation rally Hwebes, Marso 31, 2022.
Magsilbing host ang lokal nga partido Team Ahong-Team Libre ni Lapu-Lapu City Mayor Junard “Ahong” Chan, kinsa kaalyado ni Pres Duterte.
Gitawag kini ug “Kaabag Day” nga anha ipahigayon luyo sa Menzi building sa barangay Pajo.
Si PRRD maoy main guest sa maong proclamation rally uban sa mga kandidato sa PDP-Laban Cebu ug ang Team ni Chan.
Gipadayag ni Chan nga na surprisa siya sa maong kalambuan labot sa pagtambong sa presidente sa maong rally ug ang pagpili sa lugar mismo.
Gipahibaw sab nga giimbita si PRRD alang sa closing ceremony sa 500 Years Victory of Mactan karong umaabot Abril 27 ug gipaabot ang confirmation sa presidente.
Duna say gitakdang groundbreaking alang sa Lapu-Lapu Museum u gang reenanctment sa Battle of Lapu-Lapu ug Magellan.
Orihinal nga schedule unta sa Team-Ahong Team Libre nga proclamation rally pagka Domingo, Mars 27, pero gi uswag kini tungod kay motambong si PRRD.
Si Chan nag expect nga moabot ug 75,000 ka mga supporters niya ang motambong sa mainland sa maong grand rally.
Niadtong Marso 18, napahigayon na ang proclamation rally sa Isla sa Olango.
Gi inspect na nila ni Mayor Chan, Vice-Mayor Sitoy, First Lady Cindi, uban sa kapulisan, ug Malacanang officials gikan sa Media Accreditation and Relations Office (MARO) ug Presidential Security Group (PSG) ang proclamation rally site Martes, Marso 29.
Sa wala pa ang site inspection, gipang swab test ang mga sakop sa media alang safety sa mga opisyal ug mga kandidato nga motambong sa grand rally. (Jhon Tadlip)
(News & photo courtesy of Lapu-Lapu City PIO)