Cebu Police Chief Palagpoton Tungod Sa Pagpatuman Sa Fuel Products Retail Ban

by RPN
0 comment
Cebu Police Chief Palagpoton Tungod Sa Pagpatuman Sa Fuel Products Retail Ban

Nagkahi-usa ang mga residente sa lungsod sa Pilar, Cebu pagpalagpot sa hepe sa kapolisan  sa maong lungsod gumikan sa paggukod sa kapolisan sa mga namaligyaay og gasolina ug  ubang fuel products nga gipa-agi sa menudo.

Matud ni Pilar Mayor Eufrascio Maratas Jr., gireklamo sa mga residente ang kampanya sa kapolisan batok sa mga nagnegosyo sa retail fuel productstungod kay nakadaut man kini sa panginabuhi-an sa katawhan sa nahisgutang lungsod.

Gi-angkon ni Maratas nga siya mismo nasagmuyo usab sa kapakyas sa kapolisan pagpahibawo sa iyang buhatan sa dihang  gisugdan sa kapolisan niadtong Disyembre 26, ang kampanya batok sa mga namaligyaay’g  fuel products. Gipasabot  sa mayor nga  angayan gyod unta nga adunay gihimong koordinasyon ang kapolisan  ngadto sa hingtungdang Local Government Unit labot sa kampanya niini batok sa fuel products retailers.

Gumikan niini, matud sa mayor nga pormal na niya nga gi-awhag ang pangulo sa Cebu Provincial Police Office(CCPO), Senior Supt. Manuel Abrugena pagpalagpot sa hepe sa ilang lungsod nga si Chief Inspector Roy Susvilla.

Samtang nagpasi-ugda na usab sa usa ka signature campaign ang Municipal Council batok sa police chief,sumala pa usab sa mayor.

Related Posts

Leave a Comment