Cebu City – Gisugdan na sa Cebu City Government ang massive clearing operations, Lunes, Agosto 8, 2022 sa tinguha nga ma recover ang tulo ka metros nga easement sa kasapaan ug waterways.
Unang gipang demolish sa syudad ang mga illegal nga structures nga gitukod dool sa Kinalumsan river.
Gimando ni Mayor Michael Rama ang pag guba sa mokabat 2,000 ka mga structures daplin sa kasapaan sa syudad pag pakgang sa casualties atol sa kusug nga uwan, human sa pag bunok niadtong Hwebes sa gabii, Agosto 4, nga misangpod sa pagbaha ug pag overflow sa mga kasapaan sa syudad.
Lakip na ang Kinalumsan river sa Barangay Mambaling ang mibuswak ang baha ug mi anod sa duha ka tawo kinsa naluwas ra sab hinoon.
Sa kinatibuk-an, matod ni Rama nga moabot ug 14,000 ka individuals ang ma displace sa higayon nga mahawan na ang waterways sa illegal nga mga structures.
Apan si Gerardo Carillo, chairman sa Cebu City Risk Reduction and Management Council (CCDRRMC) nagkanayon nga moabot ug 14,000 ka mga households ang apektado sa clearing operations.
Sigon pa ni Carillo nga laing tumong sa clearing operations mao ang pag himo ug esplanades aron sa pagpanindot sa lain-laing waterways ug pag mitigate sa risgo sa pagbaha sa syudad.
Gipahibaw ni Carillo niadtong Agosto 7, nga napahigayon na ang coordination meeeting tali sa CCDRRMC, Department of Public Works and Highways (DPWH), Division for the Welfare of the Urban Poor ug sa Cebu City Environmental and Natural Resources alang sa implementasyon sa maong programa.
Nakapahigayon na ang Syudad ug ang DPWH ug clearing operations sa mga illegal structures daplin sa waterways alang sa flood-control projects sa niaging mga tuig; apan dili kini igo.
Gitug-an ni Carillo nga sagad sa 200 ka mga households nga gipang demolish sa Kinalumsan river naka dawat na ug financial assistance gikan sa DPWH.
Ang mga pamilya nga na displaced temporaryo nga gipahimutng sa San Nicolas Elementary School. (Jhon Tadlip)
(News & photo courtesy of CCDRRMC- Cebu City)