Ang kapulisan sa Cebu City Police Office (CCPO) nag umol og usa ka special unit nga maoy gitahasan sa pagsusi sa nang gawas nga taho nga adunay nawala nga tawo,gipang kidnap, nga nahitabo sa dakbayan sa Sugbo.
Segon ni Police Lieutenant Colonel Maria Theresa Macatangay ang tig pamaba sa CCPO nga ilang giumol ang Committee on Missing and Found Person aron paghatag og katin-awan sa nang gawas online.
Mahinumduman nga nag viral ang mga social media post nga adunay hapit gi kidnap ug gi kidnap sa nagkadaiyang lugar sa siyudad sa Sugbo ug sa probinsya sa Sugbo.
Apan ang maong mga taho wala nakabot sa buhatan sa nagkadaiyang police station.
Dugang ni Macatangay nga ang maong Commitee nga namugna pinasikad usab sa direktiba gikan sa PNP headquarters nga mag imbestigar sa mga taho nga nang gawas.
Nag awhag ang Kapulisan ngadto sa publiko nga kanunay mag amping diha sa gawas batok sa nga dautang elemento sa katilingban.
Naghangyo si Macatangay sa mga Netizen nga sa dili pa magpost og mga taho diha sa social nga adunay gi kidnap e verify una kay maka mugna kinig kahadlok sa publiko.
(Source: RSL)