Cebu City – Mitungha na sa unang adlaw sa klase karong adlawa ang mga estudyante gikan sa 4,675 ka mga primary ug secondary school sa Central Visayas, diin dunay kapin sa 2,000 ka mga eskwelahan ang mibalik sa full face-to-face human sa duha ka tuig nga online learning gumikan sa COVID-19 pandemic.
Ang ubang nga tunghaan mi adopt ug blended, lakip na ang television ug radio-based learning.
Gibutyag ni Director Salustiano Jimenez nga ang Department of Education (DepEd)-7 naka lista ug moabot ug 1.8 milyones ka mga estudyante gikan sa public ug private schools.
“We expect mga 2 million learners for this school year but I think na-reach na ni nato nga figure kay sige pa man og encoding ang atong mga teachers para maapil na gyud ang tanan sa LIS (learner information system),” pahibaw ni Jimenez.
Duna pay 141 ka mga tunghaan nga nag encode pa sa ilang enrolless.
Gi expect sab sa DepEd ang dugang enrolees bisan kon magsugod na ang ting klase.
“We still have Monday (today)… I believe there will be parents nga mu-eroll sa ilang mga anak on Monday yet, diretso na lang siguro na sila… With this, we feel nga makuha gyud nato atong target of 2 million,” butyag ni Jimenez.
BALIK SA FACE-TO-FACE
“For the full face-to-face, there are 2,000 plus schools… especially in the rural areas… around 68 percent of our schools, based on the data reported by the superintendents, will be implementing face-to-face classes,” nagkanayon si Jimenez.
Sagad sa mga eskwelahan nga mibalik na sa full in-person nga klase mao ang sa Bohol, Siqiujor , Negros Oriental ug lalawigan sa Sugbo.
Ang Syudad sa Sugbo, nga usa ka highly urbanized, dunay lima ngadto sa pito ka mga eskwelahan ang mipahibaw sa DepEd-7 nga mobalik sab sila sa full in-person classes.
Samtang ang mga tunghaan sa duha ka highly urbanized cities sa Mandaue ug Lapu-Lapu mo adopt sa blended learning.
Aron paglikay sa paghuot sa campus, kadtong mga eskwelahan nga mibalik sa in-person classes mo adopt ug shifting-usa sa buntag ug lain sa hapon, ug sa gabii kung gikinahanglan.
Duna say shifting sa mga tunghaan diin ang mga classrooms wala pa hingpit ma repair human sa bagyong Odette niaddtong Disyembre 2021.
Nasuta nga duna pay liboan ka mga eskwelahan sa rehiyon ang ayuhonon pa. (Jhon Tadlip)
(Source: DepEd-7, photo courtesy of Alagad Balamban (Buanoy Elem School) | Sean Marr Albano (Lapu-Lapu City Central School))