Cebu City – Gianunsyo ni Cordova Mayor Cesar Suan nga dili na mahimong kaliguan ang kadagatan sa munisipalidad taliwa sa taas nga level sa coliform.
Kini ang pahibaw ni Suan basi sa laboratory test nga gipahigayon sa Environmental Management Bureau-7, gikan sa water samples nga gikuha gikan sa Hulyo 11 hangtud sa 20, 2022.
Laing set sa samples gikuha pagka Agosto 10, 2022.
“Ang resulta sa EMB sa ilang pakisusi wala kapasar ang atong dagat; dili na kini mahimong kaligoan,” pamahayag ni Suan.
Nasayran nga ang EMB-7 mi kolekta ug seawater samples sa lain-lain nga lugar sa lungsod, labi na kadtong naa sa fixed floating restaurants.
Gibutyag ni Cindyllyn Pepito, EMB chief of the Environmental Education and Information Unit, nga mogawas karong adlawa ang updated results.
Karon sab adlawa, dunay gi arrange nga tigom ang mga opisyal sa Cordova tali sa lain-laing stakeholders ug ni Governor Gwendolyn Garcia.
Ang ubang mga concerned government agencies nga representahan sa meeting naglakip sa Department of Tourism, Department of Health, Philippine National Police, Maritime Industry Authority ug Philippine Coast Guard.
Ipahigayon ang tigom sa Cordova Gym sa Barangay Poblacion karon alas 2 sa hapon ug karon sab ipagawas ang final report uban sa tanang laboratory results.
l via Jhon Tadlip
Source/Photo: Cordova PIO
: EMB-7