Cebu City – Gitagalan ni Cebu Governor Gwendolyn Garcia ang mga tag iya sa 104 ka mga floating ug kapin sa 300 ka mga fixed cottages sa lungsod sa Cordova ug onse ka adlaw o hangtud sa Agosto 28, 2022, pag operate.
Gibutyag ni Garca nga mo isyu kini ug cease and desist order alang sa temporaryo nga pagpahunong sa operations ug pag rehabilitate sa kadagatan sa lungsod. Sugod sa Agosto 29, wala nay tugtan nga maka operate.
Basi sa ikaduhang water quality check nga gipahigayon sa Department of Environmental and Natural Resources (DENR) nasuta nga mi lapas sa allowable level ang coliform level sa kadagatan sa maong lungsod.
Kagahapon nakigtagbo si Garcia sa mga opisyal sa Cordova, uban sa mga tag-iya sa floating ug fixed cottages, lakip na sa mga boat operators ug Cordova market stall owners, human kini mo issue ug Executive Order nga nagdili sa dugang paghimo sa illegal nga floating ug fixed cottages.
Kini human nasuta sa DENR nga misaka ang coliform bacteria level.
Gipahibaw ni Cordova Mayor Cesar Suan nga off limits na sa fixed o floating cottages ang kadagatan sa lungsod bisan sa mga lugar nga walay presensya sa fecal a.
“Tibook sa lungsod sa Cordova, wala nay fixed and floating cottages. Wala mi naglisud-lisud ninyo. In the long run, makabenepisyo ra mo. So, please, be cooperative mo sa among gibuhat. Dili ni sayon nga political will but mao kini ang kinahanglanon nga buhaton aron mapaspas ang atong rehabiitasyon,” pasabot ni /Suan.
Si Garcia sa iyang bahin, nagkanayon nga ang provincial government ug ang municipal government gusto ug “clear cut overall solution” pero sa “makatarunganon nga pamaagi” nonot sa bag-ong findings nga walo ka mga lugar sud sa 33 ka hektarya nga municipal waters , dunay taas nga level sa fecal coliform.
Gihulagway sa gobernador nga ang nasinate sa Cordova usa ka environmental disaster, ning pontoha ang provincial ug ang municipal government motrabaho sa ilang mahimo pagpadali sa rehabilitation.
Nagkanayon ang gobernador nga walay katungod mo demmand ang mga owners ug operators sa fixed ug floating cottages gumikan kay matod pa, illegal ang ilang operasyon tungod kay wala kini mayor’s permit.
Duna say mga pumpboat sa boatmen nga mo karga ug mga bisita ngadto sa mga cottages, ang wala ma rehistro sa Maritime Industry Authority (MARINA).
Mi issue ug laing executive order ang gobernador nga sugod sa Agosto 18, 2022, kadto lang authorized pumpboat operators ang tugtan nga maka dala ug tourist o pasahero gikan sa port ngadto floating cottages sa umaabot.
SAMPLING
Gitug-an ni Cindylyn Pepito, chief of the Environmental Education and Information Unt of EMB-7 nga ang water samples nakolekta pinaagi sa grab sampling sud sa vicinity diin nahimutang ang fixed ug floating cottages
Duna say confirmatory sampling activity nga gihimo pag verify sa precision sa resulta nga nakuha.
SENTIMENTO
Usa sa mga tag-iya sa mga floating cottages si Cherlie Maglines Mondejar, mipadayag sa iyang sentimento labot sa resulta sa Agosto 17 nga tigom, ug gihulagway niya nga pait ang sitwasyon.
“Naay plano pabalikon piro walay klaro,,,paita,” sentimento ni Cherlie.
Matod ni Cherlie nga galibog pa sila karon kung asa ibutang ang ilang floating cottage.
Giankon niini nga sakto ang gibuhat sa goberno pero matod pa nakuhaan pod sila ug panginabuhian.
Sigon pa ni Cherlie nga nigasto sila ug mokabat P300k sa pagpahimo sa ilang floating cottage ug nakasugod sila ug operate lima pa lang ka buwan gamit ang permit nga gi isyu sa barangay, wala hinoon silay permit gikan sa munisipalidad. (Jhon Tadlip)
(News & photo courtesy of Governo Gwen Garcia | Cordova PIO)