Cebu City – Napatay sa ‘armed encounter’ sa kapolisan ang usa ka 42 anyos nga lalake, sa Sitio Tarcom, Barangay Lahug, Syudad sa Sugbo, Lunes, Hunyo 6, 2022, pipila ka oras human kini maka ikyas sa Barangay Casili, Consolacion gumikan sa pagpusil-patay sa usa ka police officer.
Ang napatay gila nga si Reynaldo Ydil,42, taga Barangay Carreta, dakbayan sa Sugbo, sa giingong shooutout sa mga mi responde nga kapolisan kinsa mipahigayon ug hot pursuit operation sa Barangay Lahug pasado alas 7 sa buntag.
Matod ni Police Lieutenant Colonel Mark Gifter Sucalit, deputy director for police operations sa Cebu Police Provincial Office (CPPO) nga nakadawat sila ug information gikan sa usa ka informant kalabot sa presensya ni Ydil sa Lahug.
“Revelation sa tropa, ni engage gyud ang suspect. Confirmed gyud (Ydil is the suspect in killing Consolacion police),” pahibaw ni Sucalit.
Dali nga misibat si Ydit gikan sa Barangay Casili homan niini gipusil-patay ang usa ka police nga sakop sa Drug Enforcement Unit sa Consolacion Police Station.
Sa surveillance pasado alas 8 kagabii, Domingo, Hunyo 5, 2022, sa Barangay Casili, Consolacion, napusilan-patay si Police officer Careby Alinsug, human gitirahan ni Ydil.
Ang suspek mipusil ni Alinsug ug sa kuyug niini nga si Gibson Tibon, usa ka police asset sa maka daghang higayon.
Sa inisyal nga imbestigasyon, naigo si Alinsug sa ubos nga bahin sa dughan; samtang si Tibon, anaa sa anaa sa kritikal nga kahimtang.
“Nagconduct sya ng verification sa information na nareceive namin na merong bagong drug personality. Then nung nilakad niya, vinerify nya kasama ang informant then nung naka sense yung suspect na sila ay police kaya nakipagbuno ito sa ating police,” saysay ni Police Major Jude Cebrero, hepe sa Consolacion Police Station.
Ang Consolacion gibana-bana nga 19 kilometros north sa Syudad sa Sugbo.
Gibutyag ni Cebrero nga wala magsul-ob ug bulleteproof vest niadtong higayona ni Alinsug, tungod kay nagpahigayon lang kini ug surveillance batok sa suspek.
Gawas sa nahitabo ni Ydil, laing dunay duha ka indibidwal lakip sa 18 anyos nga babay ang nasikop kinsa giingong kauban sa suspek.
Giila ang babay nga usa ka Ariane Gocela, 18 anyos, residente sa Sitio Tarcom, Barangay Lahug, nga gituuhang live-in-partner sa suspek ug kuyug sa suspek atol sa hitabo kagabii.
Apan si gihimakak ni Gocela ang pasangil ug mipadayag ni duha pa lang ka semana dihang nagka kita sila ni Ydil, kinsa mitabang sa iyang financial nga panginahanglan iyang usa ka tuig nga anak.
Iyang giklaro nga nga wala silay relasyon sa suspek.
“Wala rami ana niya. Nalooy rana siya sa akong anak…Wala ko kabalo ana (illegal drug activity) kay di mana siya tigsulti nako,” saysay ni Gocela.
“Pagkadlawon ana naabot sya diri, habal-habal raman to iyang gisakyan paingon dri, samaran sa may paahan dapit,” dugang ni Gocela.
Ang laing nasikop nga giingong kauban giila nga si Danilo Aguilar, 27 anyos, residente sa Sitio Tarcom, Barangay Lahug. (Jhon Tadlip)
(News & photo courtesy of Consolacion Police Office | Cebu City Police Office)