28.6 C
Manila
Friday, March 29, 2024

Cebu: DepEd 7, full blast ang preparasyon sa pag abli alang sa face-to-face classes

- Advertisement -

Cebu City – Gihulagway nga naa sa full blast ang Department of Education-Central Visayas ( DepEd 7) alang sa preparasyon sa pag abli sa klase usa ka semana gikan karon, o sa Agosto 22, 2022.

Visit RPN DYKC Cebu

Gibutyag ni DepEd 7 Regional Director Salustiano Jimenez nga ang tanang mga teaching ug non-teaching personnel, lakip na ang mga stakeholders mibuhat kutob sa ilang mahimo pagpangandam sa mga tunghaan nga masiguro ang safety sa mga estudyante.

Samtang giangkon niini nga dunay mga tunghaan sa rehiyon nga nagkuwang ug mga classrooms, apan iyang gipasalig nga andam silang mo accomodate sa tanan nilang mga learners.

“Because if we lack classrooms, we instructed our schools, our division offices to have some strategies like shiftings,” pasabot ni Jimenez.

Gidugang sa opisyal nga ilang bahinon ang gidaghanon sa mga tinun an sa duha ka section, usa sa buntag ug lain sa hapon, aron pagtubag sa kakuwang sa classrooms.

Gawas niana, gipahibaw ni Jimenez nga nakig coordinate na sila sa Local Government Units (LGUs) ug ubang Non-Governmental Organization (NGO) alang sa temporary learning space pagsiguro nga masunod ang minimum health protocols sama sa social distancing.

Ang Central Visayas dunay mokabat 3,000 ka mga public schools sa 20 ka divisions, samtang dunay moabot ug 1,000 ka mga private schools.

Dili pa makahatag ug insaktong numero sa mga andam na alang sa face-to-face classes ug kadtong gipang ayo pa.

Gipahibaw sa regional director nga nagpadayon ang pag repair sa school facilities lokop Central Visayas; hinoon, mayoriya sa mga nanga guba sa bagyong Odette niadtong  Disyembre 2022, nanga ayo na.

Nagkanayon ang RD nga sa P1 billion ang na download gikan sa DepEd Central Office tungod kay naigo sa bagyo ang Cental Visayas.

Niadtong Agosto 3, mipahibaw si Jimenez nga nagkinahanglan pa sila ug P2 billion alang sa pag repair sa kapin 2,000 ka mga classroom nga nanga guba.

Sigon pa sa maong opisyal nga iyang gi expect nga  mayoriya sa mga damage classrooms ma repair na sa dili pa ang opening sa classes sunod semana.

Kini tungod sa iyang nakita nga pagtinabangay dili lang sa naa sa goberno, lakip na ang NGOs, pagtubag sa maong concerns.

Hinoon, ilang gisugyot nga dunay shifting alang sa full implementation sa face-to-face karong Nobembre.

Gikihanglan gihapon nga motungha ug lima ka adlaw sa usa ka semana ang mga tinun- an. (Jhon Tadlip)

(News & photo courtesy of DepEd 7)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -