28.9 C
Manila
Friday, March 29, 2024

Cebu: Dakong bahin sa napasar nga SB2 mi-abot ug P154M, gigahin alang sa Social Services

- Advertisement -

Cebu City – Usa ka adlaw sa wala pa mapupuos ang 15th Cebu City Sanguniang Panglungsod, napasar sa City Council ang second supplemental budget (SB2) nga miabot ug ₱ 1.2 billion, Miyerkules, Hunyo 29, 2022.

Visit RPN DYKC Cebu

Gibutyag sa bag-ong nanumpa nga Vice Mayor Raymond Alvin Garcia nga ang pagpasar sa SB2 wala gi dalidali; nagsubay kini sa legal nga proseso, sukwahi sa pasangil sa oposisyon councilor sa niaging konseho.

Matod ni Garcia nga sa 12 ka mga konsehal, pito ang miduso sa pag aproba, upat ang misupak ug usa ang mi abstain.

Ang mga konsehal nga mibabag mao sila si Alvin Dizon, Lea Japson, Nestor Archival ug Joy Young.

Sila mga konsehal nga sakop sa oposisyon Bando Osmena Pundok Kauswagan.

Nagkanayon si Garcia nga dunay igong panahon ang konseho sa syudad pagpasar sa second supplemental budget, ug natubag sa lain-laing department heads ang tanang mga concerns sa mga opposition councilors.

“We did not rush the approval. We followed all the steps, all the processes,” pahibaw ni Garcia.

Gipasabot ni Garcia nga ang SB2 kinahanglang dili langayon tungod kay sagad sa mga allocations alang sa health ug ubang basic services.

Labing dako nga gahin sa budget ang Department of Social Welfare and Services nga dunay P154 million alang sa ilang programa sa livelihood, employment ug daycare services.

Lakip sa gahin sa SB2 alang sa financial assistance sa persons with disabilities ug hospitals, ug pagpamalit ug mga tambal.

Ang Department of Public Services makadawat sab ug ₱ 125.5 million, nga naglakip sa gahin alang sa pag kolekta ug paglabay sa basura ug tipping fee. (Jhon Tadlip Jr.)

(Source: 15th Cebu City Sangguniang Panglungsod, photo courtesy of Cebu City Government) 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -