Hugot karon nga gipatuman nga curfew sa dakbayan sa Talisay aron ma pakgang ang mga libud suroy sa kadalan panahon sa kagabhion labi na sa mga menor de edad.
Nikabat og 73 ka mga batan-on nga minors ang na rescue sa kapulisan sa siyudad sa Talisay kagabii Agusto 15,2022.
Si Police Lt.Col.Randy Caballes ang hepe sa Talisay City Police Station maoy nangulo sa pagpatuman sa Executive Order number 006-2022 kabahin sa Curfew.
Niabag usab ang mga sakop sa City of Talisay Traffic Operations and development Authority kon CT-TODA sa kapulisan sa maong curfew.
Nakasikop usab ang mga kapulisan sa mga hamtong nga wala nisunod sa Curfew diin 49 ka mga lalaki ug 24 ka mga babaye.
Naghimo nag profiling karon ang GAD sa mga minors nga nisupak sa maong curfew ug ipatawag usab ang mga ginikanan niini.
Talisay City Police Station
Via l Renante Lada