Cebu: Civil works sa ‘new Capitol’ sa Balamban sugdan na

0
0

Cebu City- Gibutyag sa Cebu Provincial Government ang bag-ong kalambuan labot sa giplano nga bag-ong Capitol ug integrated government center sa lungsod sa Balamban.

Gianunsyo sa Kapitolyo nga dunay bag-ong pundo gikan sa National government ang gi allocate na sa nahisgutang proyekto.

Sa meeteing nila ni Governor Gwendolyn Garcia ug mga representanti

sa Department of Public Works and Highway Central Visayas (DPWH-7), pinanguluhan ni Director  Ernesto Gregorio Jr., ilang gihusgutan ang detalye ug status sa maong proyekto, niadtong Agosto 3.

Matod ni Garcia atol sa tigom nga gikonpirma sa DPWH-7 executives ngadto sa Kapitolyo nga gi downloaded na  ang P200 million alang sa giplanong government center sa Balamban.

“We met DPWH, and this is in regards to the P200 million-that is in the 2022 General Appropriations Act specifically- to help the province of Cebu in relocating its government center to Balamban,” pahibaw ni Garcia.

Ning bag-ong pondo gikan sa national government, nanghinaut ang gobernador nga ila nang masugdan dayon ang civil works.

“We are moving forward and we will need to start already lest the amount of P200 million be set aside. That is why the DPWH is anxious to start,” pasabot ni Garcia.

Mokabat ug P700 million sa public funds ang na gahin na isip tipik sa plano sa probinsya pag relocate sa headquarters sa Balanban, usa ka first-class municipality nga nahimutang southwest sa Sugbo

Gawas sa P200 million gikan sa DPWH, migahin sab ang Kapitolyo ug P500 million alang sa actualization.

Sa higayon nga mahuman, i preserba ang 85 anyos nga Capitol building sa uptown Cebu City ug himoon kining museum.

“As I had already sadi, the design of the government center or the executive offices will be a replica of this Capitol,” matod ni Garcia.

“Not just think of relocating Capitol but we need to think also of putting a government center for our provincial and regional offices of the national government,” dugang sa gobernador.

Sa kasamtangan, gipahigayon ang negosasyon sa pag acquire sa mga properties, diin tukoron ang bag-ong Kapitolyo.

Nagkanayon ang gobernador nga ilang gitinguha nga maka purchase ug 50 ngadto sa 100 ka hektaryas nga luna alang niini.

l via Jhon Tadlip

Source/Photo: Cebu Provincial Government

LEAVE A REPLY

Please enter your comment!
Please enter your name here