28.6 C
Manila
Friday, March 29, 2024

Cebu City Police Office (CCPO) Gihatagan Og 10-Day Ultimatum Pagsulbad Sa Pagpang-Rakrak Sa Mga Pinuy-Anan Sa Duha Ka Mga Barangay Kapitan

- Advertisement -

Gihatagan og napulo ka adlaw nga ultimatum ni Cebu City Mayor Tomas Osmena ang kapolisan pagsulbad sa nahitabong pagpang-rakrak sa mga pinuy-anan sa barangay kapitan sa barangay Sudlon II ug barangay Sinsin, Cebu City. Gihulagway ni Osmena nga politically motivated ang maong hitabo.

Matud ni Osmena nga angayan ibutang ubos sa COMELEC control ang dakbayan sa Sugbo tungod sa nahitabong pagpang-rakrak. Gipadayag ni Osmena nga napulo ka adlaw ang iyang gitagal aron sulbaron ni CCPO Director Royina Garma ang strafing incident sa duha ka mga bukirang barangay sa dakbayan sa sugbo kansang mga barangay kapitan pulos ka-alyado sa Bando Osmena Pundok Kauswagan (BOPK), ang grupo nga gitukod ni Osmena.

Gipasidaan usab sa mayor nga tangtangon niya ang mga allowances sa kapolisan nga nadistino sa mga bukirang barangay kun dili masulbad ang maong panghitabo sulod sa napulo ka adlaw.

Gipasabot ni Osmena nga ang pagpang-rakrak sa mga pinuy-anan sa duha ka mga barangay kapitan nga ka-alyado sa iyang grupo, ma-isip nga usa ka matang sa pag-panghudlat.

Samtang gitanyag ni Osmena ang cash reward nga 100 thousand pesos alang sa kasulbaran sa maong kaso.

Pinasikad sa pamahayag sa usa ka saksi, niadtong kaadlawon sa Abril 4, 2019 gitumbok nga lima ka mga lalaki nga luwan sa tulo ka mga motorsiklo ang mihunong atubangan sa pinuy-anan ni Sudlon II Barangay Captain Priscilo Albores ug dayon girapido ang pinuy-anan sa barangay kapitan.

Pipila lang ka gutlo human niini, ang pinuy-anan na usab ni Sinsin Barangay Captain Aurelio Laspuna ang girapido sa giingnong armadong mga tawo. Ang barangay Sinsin sikbit ra usab sa barangay Sudlon II.

Sa iyang bahin, gibutyag sa CCPO Director nga wala niya ikabalaka ang hulga sa mayor nga tangtangon ang allowances sa kapolisan.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -