Cebu City Officals nagtinguha nga katamnan og mga kahoy ang tibuok syudad

by RPN News
0 comment
Cebu City Officals nagtinguha nga katamnan og mga kahoy ang tibuok syudad

Nagkahi-usa ang mga sakop sa Sangguniang Panlunsod sa dakbayan sa Sugbo nga lukpon pagtanom og mga kahoy ang tanang kabarangayan sa syudad.

Gi-aprobahan sa Cebu City Council ang resolusyon ni City Councilor Joel Garganera nga nagtinguha sa subsob nga tree planting activities sa kinatibuk-ang 80 ka mga barangay sa dakbayan sa Sugbo.

Gi-awhag sa konseho ang Cebu City Environment and Natural Resources Office (CCENRO) pagpatuman sa tree planting activities sa tanang barangay sa syudad.

Kombinsido si Cebu City Councilor Joel Garganera, author sa nahisgutang resolusyon nga ang pagpananom og mga kahoy maoy usa ka paagi sa pagsulbad sa problema sa pagbaha ug uban pang mga environmental problems sa syudad.

Sa iyang bahin, gipadayag sa pangulo sa CCENRO, Maria Nida Cabrera nga nasugdan na sa ilang buhatan ang tree planting program sa mga bukirang barangay sa syudad.

Gipasabot ni Cabrera nga nakabutang na sila og 10 ka mga nurseries sa mga bukirang barangay nga naglakip sa Barangay Guba, Busay, Buhisan, Toong, Tabunan, Malubog, Taptap, Adlaon, Tagbao ug Sirao.

Midugang si Cabrera, nga gipatuman na usab sa Cebu City government ang mga lakang labot sa pagsulbad sa flood problem pinaagi sa “Menos Baha Task Force Program” sukad niadtong buwan sa  Oktubre, 2018.

Related Posts

Leave a Comment