Gipaabot nga makadawat sa libre nga mga “dashboard cameras” gikan sa Cebu City government ang mga PUJ “drivers”.
Nakahukom si Cebu City Mayor Tomas Osmeña pagpamalit og “dashboard cameras” aron ipanghatag ngadto sa mokabat sa usa ka libo ka mga PUJ “drivers” tungod sa iyang tinguha nga mapalambo ang kahusay ug kalinaw sa dakbayan sa Sugbo.
Gibutyag ni Francisco Ouano, “operations chief” sa Cebu City Transportation Office nga gihatagan og “priority” sa Cebu City government alang sa libre nga “security cameras” kadtong mga PUJ “drivers” nga nagbiyahi-an sa dakbayan sa Sugbo.
Matod ni Ouano nga ila nang giandam ang Memorandum Of Agreement (MOA) nga paga-pirmahan tali sa Cebu City government ug sa grupo sa mga PUJ “operators” aron madali ang pag-apod-apod sa mga “security cameras” ngadto sa hingtungang PUJ “drivers”.