Cebu City Coucilor Gipaka-Walay Sala Sa Ombudsman Visayas

Cebu City Coucilor Gipaka-Walay Sala Sa Ombudsman Visayas

by RPN
0 comment 105 views

Gibasura sa Office of the Ombudsman-Visayas ang mga kaso nga gipasaka sa 40 ka mga kapitan batok kang Cebu City Councilor. Margarita “Margot” Osmeña, kapikas ni Cebu City Mayor Tomas Osmeña.

Ang nahisgutang mga kaso batok sa konsehal gipasaka sa mga barangay kapitan niadtong 2016 batok sa kapikas sa mayor gumikan sa kasugo-an niini pag-uli sa mga sakyanan nga gi-“issue” sa city government.

Niadtong Marso 17, 2016, si Margot kinsa “acting mayor” sa dakbayan sa Sugbo niadtong panahona, miluwat sa usa ka “memorandum” nga nagmando sa tanang mga barangay kapitan sa dakbayan sa Sugbo pag-uli sa tanang mga “city issued vehicles” alang sa imbentaryo.

Tungod sa pagdumili sa mga barangay kapitan  pag-uli sa mga sakyanan napugos ang “acting mayor” pagpasaka sa mga kasong kriminal ug administratiba batok sa mga kapitan niadtong Hunyo 2, 2016.

Apan pinasikad sa “joint resolution” sa Ombudsman Visayas niadtong Agosto 9, 2017 gisalindot sa “anti-graft office” ang mga kaso batok sa mga barangay kapitan.

Tungod niini misumbalik pagpasaka’g kaso ngadto sa buhatan sa Ombudsman ang mga barangay kapitan batok sa “acting mayor”.

Subay sa “joint resolution” sa Visayas Anti-Graft Office gisalindot ang mga kasong “malicious prosecution”, “oppression” ug  “conduct prejudicial to the best interest of justice”nga gipasaka sa mga barangay kapitan batok kang Osmeña tungod sa ka kuwang sa “probable cause” ug “substantial evidence”.

0 comment

Related Posts

Leave a Comment