Cebu: 39 ka mga makalilimos nga nag ungaw sa piligro ang ilang kinabuhi sa kadalan gi rescue didto sa Talisay.

Ubay-ubay ka mga makalilimos nga niabot og 39 ang na rescue didto sa dakbayan sa Talisay ning adlaw nga Huybis Agusto 25, 2022.

Visit RPN DYKC Cebu

Diin 19 ka mga minor de edad,13 ka mga daku ug 7 ka mga tiguwang ang ilang gipang luwas sa nagkadaiyang kadalanan sa Siyudad.

Usa kini ka hiniusang operasyon nga naglangkob sa City Social Welfare Office pinanguluhan ni Felipa Dolana, CT-TODA, mga Brgy. Tanod, GAD Focal sa Barangay Cansujong, Lawaan 1, Linao ug mga sakop sa Talisay City Police Station.

Ang mga makalilimos didto nakuha sa eskina Uldog,Rabaya,Kalmar sa Cebu South Coadtal Road ug ang laing grupo didto usab sa Barangay Tabunok ug Brgy.Lawaan.

Ipang turn over ang mga na rescue didto sa Barangay Mambaling siyudad sa Sugbo.

Tumong ug tuyo nga gipang rescue sila kay magpatuyang lang kinig tabuk sa kadalanan bisan paman nga kusog managan ang mga sakyanan.

Gipasabot sa taga CT-TODA nga naghatag kinig piligro sa kadalanan nga muagi sa maong mga lugar.

(Source: RSL, photo courtesy of CT-TODA)