CAGAYAN DE ORO CITY- Ang Cagayan de Oro maoy mo-host sa 13th Philippine National Health Research System (PNHRS) Week Celebration nga mahinabo matag ikaduhang semana sa Agosto. Ang PNHRS gidesinyo sa paghimog parallel ug plenary sessions, regular forums ug motutok sa pagpromote sa hapsay nga pagbinayloay sa health research ug mga impormasyon sa mga concerned stakeholders.
Ang conference karong tuiga nagdala sa tema nga “Achieving Health- Related Sustainable Development Goals through Research and Innovation nga himuon sa Agosto 13-16 sa Limketkai Luxe Hotel.
Gawas sa konferencia, adunay exhibit nga himuon nga bukas sa publiko sulod sa Limketkai mall sa Agosto 14.
Ang Northern Mindanao Consortium for Health Research and Development isip host consortium mao ang namuno sa planning and preparations sa maong us aka semana nga selebrasyon agig pagsuporta sa Philippines Council for Health Research and Development.
Ang paghost sa NorMin Co HRD’s nagtinguha usab sa pagpromote sa abunda ug managlahi nga kultura sa Amihanang Mindanao sa natad sa panglawas.