Gimando ni Police Director for Mindanao Brig. Gen Rafael Santiago ang higpit nga operasyon sa seguridad sa entire Rehiyon 10 dugtong sa nahitabong pagpamomba sa Indanan, Sulu karong bag-o.
Matud pa ni Camp Alagar spokesman Lt. Col Surki Sereñas nga gusto nilang lig-onon pa ang seguridad sa mga utlanan sa rehiyon. Hinuon, sumala pa ni Sereñas nga walay angay kabalak-an ug ika panic tungod kay nagpabilin nga nag-unang tinguha nila mao ang kahusay ug kalinaw sa Amihanang Mindanao. Sa iyang kabahin, gisugilon usab ni Cagayan de Oro City Police Office spokesman Lt. Col. Mardy Hortillosa nga gihigpitan usab nila sa local police ang Oplan Galugad subay sa mando ni Lt. Col Reynante Reyes nga COCPO-OIC.
Ang Oplan Gahugad, matud ni Hortillosa napamatud-an nilang epektibo diha sa ilang kampanya nga magpabiling hapsay ug malinawon ang syudad sa Cagayan de Oro.