30.9 C
Manila
Friday, March 29, 2024

Calizo nanawagan sa mga opisyal sa barangay nga motabang pag-edukar sa mga trisikad drivers

- Advertisement -

GISUGYOT ni konsehal Romeo Calizo, chairman sa komite sa police, fire and public safety sa konseho nga mohimo og pagtuon ang mga barangay officials nga diin adunay mga trisikad drivers nga nag-operate sa ilang mga barangay aron masolusyunan ang problema sa trapiko sa syudad.

Kini ang reaksyon ni Calizo sa tigom sa komite sa public utilities ni konsehal Bong Lao nga diin hugtanon nang giimplementar sa mga kawani sa Roads and Traffic Administration ang pagpangsikop sa mga trisikad nga namasahero lapas sa gitugot kanila nga dapit.

Matud ni Calizo nga dako og papel ang mga barangay chairman nga maedukar nila ang ilang mga sakop kabahin sa lagda sa trapiko aron usab malikay sila sa pagpangdakop ug mahilayo sa disgrasya sa kadalanan.

Dugang sa konsehal nga gisabot nila ang kawad-on sa mga trisikad drivers kay ang uban mao man ang gibuhi sa ilang mga pamilya apan dili sab pwede nga iresgo ang kinabuhi sa mga pasahero.

Niini, gihangyo ni Kagawad Calizo ang tanan mga trisikad drivers sa syudad nga motuman lang sa balaod sa trapiko alang sa kaayuhan sa tanan ug giaghat niini ang mga opisyal sa barangay nga motabang sa syudad pagpahimangno sa ilang mga sakop aron malikayan ang kakulian sa kadalanan. (El Kapitan)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -