Cagayan de Oro: Tanum nga marijuana gipang-ibot sa Manolo Fortich, Bukidnon

0
0

Gipang-ibot ang mga tanom nga marijuana mga alas 11:30 sa buntag gahapon Agosto 18, 2022.

Visit RPN DXKO Cagayan de Oro

Ang Manolo Fortich MPS pinangulohan ni PMAJ CARLITO R. CHUA, OIC mipahigayon og pag-ibot sa mga tanom nga Marijuana sa Purok Merkado, Brgy. Agusan Canyon, Manolo Fortich, Bukidnon. Ang giingong tag-iya/cultivator sa maong mga tanom nga marijuana giila nga si Cirilo Domo Javier, 58 anyos, minyo, construction worker ug residente sa nahisgutang lugar.

Atol sa operasyon, ang suspek diha sa iyang balay nasakpan sa akto sa yanong pagtan-aw sa tulo (3) ka punoan sa marijuana, nga gitanom sa bakanteng luna atubangan sa iyang balay nga gibana-banang gibug-aton nga 50 gramos nga nagkantidad ug kapin o kulang Php6, 000.00.

Gipahigayon ang physical inventory sa lugar sa insidente nga gisaksihan ni Barangay Kagawad Simeon Degamo sa Barangay Agusan Canyon, Manolo Fortich, Bukidnon ug representante sa Media.

Gidala sa Manolo Fortich MPS ang mga nakumpiska nga tanom nga marijuana uban sa mga dinakpan sa Manolo Fortich MPS alang sa tukmang disposasyon ug i-turn over sa Regional Forensic Unit 10 Patag Cagayan de Oro City alang sa laboratory examination.

Giandam na ang kasong kalapasan sa Section 16, Art II sa RA 9165 nga ipasaka sa korte batok sa suspek.

Ang Provincial Director nipadayag sa iyang pagdayeg sa mga mirespondeng PNP personnel alang sa maayong trabaho. Gidugang usab niya nga si Presidente Ferdinand “Bongbong” Marcos, Jr. mipadayag sa iyang lig-on nga pasalig nga ipadayon ang gubat batok sa droga uban ang gambalay sa balaod ug may kalabotan sa tawhanong katungod ug pagtutok sa rehabilitasyon ug socioeconomic development. Busa, gidasig ang komunidad sa pagsuporta sa kapulisan ug uban pang ahensya sa pagpatuman sa balaod sa pakigbatok sa mga kriminalidad aron makab-ot nato ang usa ka drug free, luwas ug malinawon nga Bukidnon. (Cheleste Simene)

LEAVE A REPLY

Please enter your comment!
Please enter your name here