Daghan na nga mga Misamisnon ang buot muoli ug mubalik sa probinsya sa Misamis Oriental gikan sa kauluhan ug ubang parte sa nasud.
Apan mahitungod sa pandemya nga gisagubang nga dala sa COVID-19, daghan na nga mga okasyon kon diin maglisod og uli ang mga Misamisnon pabalik sa probinsya tungod sa mga restriksyon nga gipatuman.
Apan ang maayong balita niini, tungod nagkaanam na og ubos ang kaso sa COVID-19 dili lamang sa lalawigan apan sa tibook nasud mahitungod sa padayon nga pagpahigayon ug mga inokulasyon sa mga bakuna kontra sa nasangpit nga virus, ug tungod ang probinsya napailawon na sa alert level 2, mamahimo nang musulod-gawas sa probinsya ang mga Misamisnong locally stranded individuals (LSI) o Returning Overseas Filipinos (ROF) sa mga airport, pantalan, o bus terminal sa lalawigan basta aduna lamang mapakita nga vaccination card o vaccination certificate isip pruweba nga ang usa ka indibidwal nabakunahan na.
Gikinahang usab sila nga makig-coordinate sa ilang tagsa-tagsang mga LGUs nga paingnan, aron sa hapsay nila nga pagawas sa terminal hangtod sa pag-abot sa ilang mga panimalay hilabina kon adunay gipatuman nga mga protokol ang ilang LGU.
Ang lalawigan sa pagpanguna ni Gobernador Bambi ug pwersa sa Provincial IATF ubos ni Dr. Jerie Calingasan labihan ang pagpaningkamot sugod pa sa sinugdanan nga mabatokan ang makapatay nga virus ug ngani man namintinar ang mubo nga kaso hangtod karon panahona nga daghan na sa mga Misamisnon ang nabakunahan.
(Source: PIATF)