Cagayan de Oro: Pagmugna og city college suportado sa Local School Board (LSB)

0
0

GILARAW ni Mayor Rolando ‘Klarex’ Uy ang katukoran sa City College sa tuig 2023 sa tinguha nga mahatagan og libre’ng college education ang mga naglisod sa pagpatungha sa ilang mga anak sa kolehiyo.

Dugtong niana, hugot nga suporta ang gipadayag sa mga sakop sa Local School Board (LSB) sa tinguha ug laraw ni Mayor Rolando “Klarex” Uy nga magtukod og City College of Cagayan de Oro atol sa gipahigayong tigom bag-ohay lang.

Usa ka Resolution of Support ang giduso sa LSB members sa maong katuyoan diin laraw sa mayor nga magtukod og community college sunod tuig.

Matud ni Mayor Klarex paninguhaon sa iyang administrasyon nga makamugna og labing unang City College sa syudad aron daghan ang mahatagan og kaarangan sa kinabuhi ug matubag ang kapobrehon.
Gipasabot usab ni Dr. Alicia Anghay, executive director sa LSB, nga bisan pa man og alang sa basic education ang Local School Board, apan dako kini og tabang nga mas madasig ang kinatibuk-ang burokrasya sa City Hall aron matuman ang maong laraw.

Una nang gipahibalo sa mayor ang maong laraw atol sa katiguman sa mga kadagkoan sa Department of Education-Division of Cagayan de Oro.

Una nang gipahibalo sa mayor sa maong katiguman ang iyang laraw sa pagdugang usab og 86 ka classrooms sa nagkalain-laing kabaranggayan sa syudad sa Cagayan de Oro.

LEAVE A REPLY

Please enter your comment!
Please enter your name here