Cagayan de Oro moregular sa plastic bags sa 2019

0
60

Sugod sa Enero 1, 2019, ang lokal nga kagamhanan sa Cagayan de Oro mopatuman sa City-wide plastic Bag Regulation isip stratehiya sa pagpakunhod sa hugaw ug mapugngan ang baha.

Si City Local Environment and Natural Resources (CLENRO) Chief Engr. Armen Cuenca misugilon nga ang plastic regulation hingpit nga ipatuman sunod tuig samtang ilang gamiton ang mosunod lima ka bulan sa pagsabwag sa awareness niining bag-o nga polisiya bag-o nga polisiya ngadto sa katawhan.

Ang maong plastic regulation ipatuman sa tanang commercial establishments sama sa malls, fastfoods, pharmacies, markets, food kiosks, ug bisan sari-sari stores.

Kini nagpasabot nga ang mga establisemento dili na tugtan sa pagputos sa plastic bags isip packaging materials sa ilang mga customers ilabi na alang sa mga dry goods ug cooked food.

Hinoon gipasabot sa Solid Waste Management Division head El Visa Mabelin nga kining bag-ong polisiya adunay mga exemptions mao nga plastic bag regulation lang ug dili plastic ban. Gidugang pa ni Mabelin nga tugtan gihapon ang paggamit sa plastics alang sa wet goods ilabi na sa pagputos sa karne ug prutas aron masiguro nga safety kini.

LEAVE A REPLY

Please enter your comment!
Please enter your name here